Arbeiðið er í tøttum samstarvi við barnaverndartænastuna og onnur fakfólk. Arbeiðstíðirnar eru skiftandi, um dagin og tíðliga á kvøldið, lagað til tørvin hjá familjunum.
· Dugir væl at samstarva og samskifta
· Vísir virðing yvir fyri familjunum og børnunum/teim ungu
· Kann virka fyri, at foreldrini fáa neyðugan stuðul til foreldrauppgávuna
· Kann hjálpa børnum/ungum at fáa ein tryggan, mennandi og skipaðan gerandisdag
· Dugir væl at gera eygleiðingar og er fakliga væl fyri
· Hevur dirvi at taka ábyrgd og arbeiða sjálvstøðugt
· Eitt spennandi og mennandi starv
· Eitt sjálvstøgugt starv í skiftandi vaktum, har ein skipar arbeiðsdagarnir í samstarvið við umsitingina hjá Barnaverndartænastuni og familjurnar
· Sparring og vegleiðing frá starvsfólkunum hjá Barnaverndartænastuni
Útbúgving sum námsfrøðingur ella aðra viðkomandi útbúgving. Viðkomandi royndir er ein fyrimunur. Suðuroyar Barnaverndartænasta tekur sær rætt til at lýsa starvið av nýggjum, um mett verður, at ov fáir skikkaðir umsøkjarir eru til starvið. Neyðugt er, at umsøkjarin hevur koyrikort.
Suðuroyar barnaverndartænasta er staðsett á Tvøroyri og umfatar allar 7 kommunurnar í Suðuroynni. Tað starvast fimm starvsfólk í umsitingini.
Endamálið hjá Suðuroyar Barnaverndartænastu er at ansa eftir teimum børnum og ungum, sum vegna sosial vandamál, liva undir viðurskiftum, ið kunnu skaða teirra vælferð og menning, og veita teimum ta hjálp, ið er neyðug fyri at greiða støðu teirra.
Eitt týðandi mál fyri Barnaverndartænastuna er at syrgja fyri, at hjálpin verður sett í verk saman við familjuni, at tilboðið er tað besta og at gerandisdagurin hjá barninum og familjuni ávirkast so lítið sum gjørligt.
Starvið verður sett skjótast gjørligt, og er tíðaravmarkað fram til 1. januar 2018, við møguleika fyri, at starvið verður longt, og at ein verður settur upp í tíð. Løn sambært sáttmála millum Kommunala Arbeiðarafelagið og Føroya Pedagogfelag.
Umsóknin skal vera okkum í hendi í seinasta lagi 31.01.17 kl. 12.00, saman við prógvum, CV og øðrum viðkomandi skjølum. Hjálagt umsóknini skal eisini vera revsiváttan. Meira fæst at vita um starvið, við at venda sær til leiðarin Anniku Jónsveinsdóttir á tlf: 229085/611090 ella teldupost: annika@tvoroyri.fo.
Umsóknin skal sendast við vanligum posti ella telduposti til:
Suðuroyar Barnaverndartænasta
Tvørávegur 37
Postboks 104
800 Tvøroyri
ella:
barnavernd@tvoroyri.fo