Tvøroyrar kommuna fer nú undir síðsta stig at bøta um vatnveitingina við Hvammaveg/Rangá. Ein leiðing verður løgd framvið vegnum frá Hvammevegi 87 inn til húsini við Rangá 37. Hetta er fyri at kunna veita eina størri nøgd av vatni vestureftir til tess at tryggja brúkarum støðuga veiting. Eisini kemur tað at bøta um viðurskiftini hjá sløkkiliðnum um eldsbruni skuldi borist á í økinum.. Arbeiðið byrjar komandi mánadag og byrjað verður í uttara enda. Húsini verða íbundin nýggju leiðingina og hin gamla verður tikin burtur.