Øll ið fylla 65 ár í ár og eldri eru vælkomin at møta í skúlahøllini í Trongisvági hvønn týs- og tórsdag kl 16.00 har vant verður í 3 mdr. Venjingin hevur til endamáls at økja um styrki, fimi, javnvág og konditión og á henda hátt betra um vælveru og lívsgleði í tí dagliga.
Eisini er hetta eitt gott høvi at seta sosiala samveru á breddan aftur við einu vatnsopa og frugt sum er at fáa aftaná hvørja venjing Tað er Tvøroyrar Kommuna í samstarvi við Gudrid Nolsøe Fysioterapeuti, ið stendur fyri venjingartilboðinum. Kostnaður fyri hvørja venjing er kr. 20.