Tvøroyrar býráð samtykti einmælt á fundi tórskvøldið 7. november fíggjarætlanina fyri 2025, sum javnvigar við kr. 122.4 mió. 

Fíggjarætlanina 2025:

Skattaprosentið verður eins og undanfarna ár, 20,9%, eins og barnafrádrátturin verður hin sami kr. 8.000,-. Hildið verður áfram við at lata virðiskort á kr. 2.000,-, til øll børn í Tvøroyrar kommunu, ið tey kunna brúka sum ískoyti til luttøku til mentan- og ítróttar tiltøk.

Barnaansingargjaldið verður framhaldandi tað sama fyri vøggustovu- og barnagarðspláss kr./mnd. 1.900,-, annað barnið kr./mnd. 1.600,- og ókeypis fyri triðja barni og hareftir, eisini letur kommuna ókeypis blæur til vøggustovu- og barnagarðspláss. 

Gjaldið fyri fyrsta barni í frítíðarskúlanum verður framhaldandi kr. 1.200,-/mðr., og goldið verður fyri 11 mðr. Tvøroyrar kommuna heldur áfram við at lata ókeypis matarskipan 3.dag/viku til øll barnagarðsbørnini.

Tvøroyrar kommuna byrjaði á sumri 2023, at bjóða børnum í kommununi tilboð um at ganga í forskúlanum Gluggin, sum hevur verði væl móttikið. Luttøku gjaldið fyri fyrsta barni í Glugganum verður enn tað sama kr. 700,-/mðr. og goldið verður fyri 11 mðr. Avsláttur verður latin javnbjóðis galdandi avsláttarskipan fyri barnaansingina.

Inntøkurnar komandi ár eru samanlagt mettar til kr. 97,4 mió, svarandi til eina hækking á kr. 5,3 mio í mun til FÆ2024, tá samlaða inntøkan var kr. 92,1. Inntøkurnar av persónsskatti eru kr. 69.9 ið er ein øking á kr. 3,9, mio., samanborði við 2024, har persónsskatta inntøkan var kr. 66,0 mió. Inntøkur av partafelagsskatti eru mettar at blíva kr. 2,5 mió. Skattur av DIS og FAS eru mettar til kr. 4,6 mió. Skattur av eftirlønargjøldum verður mettur at blíva kr. 23,9 mio.   

Rakstur: 

Íløgur:

Ætlanin er at fremja íløgur til umleið kr. 33 mió, í mun til kr. 30 mió í 2024. Ætlaðu íløgurnar vera fíggjaðar av innistandandi og við lántøku.