GG!
Heili 25 ár eru liðin síðan arbeiðið varð liðugt, eftir at eldsálir høvdu gjørt sítt allarbesta fyri at skapa hesa gøtu, ið gongur gjøgnum náttúruvakra landslagið inn gjøgnum dalin í Trongisvági.
Í morgin kl. 17:00 hittast vit við byrjanina av Áargøtu, við Stórá. Turið Vestergaard í Dali verður frásøgufólk á túrinum, ið gongur vestur í “Plantasjuna”. Í Plantasjuni bjóðar Jónleyg Bech, forkvinna í Trivnaðar- og Umhvørvisnevnd Tvøroyrar býráðs, vælkomin. Síðan fer Jóhann Mortensen, formaður í Skógfriðingarnevndini og kendur úr mongum áhuguverdum sendingum í Kringvarpinum, at siga nøkur orð um Áargøtu og týdningin av henni.
Øll eru hjartaliga vælkomin við á túrin. Tvøroyrar kommuna bjóðar ein kaffimunn og okkurt afturvið, ið Brekkucatering stendur.
