Í dag eru júst 130 ár liðin síðan haruveiðan í Trongisvági varð løgd í skipaðar samtyktir. Á grannastevnu í Trongisvági, hin 17. februar 1892, vórðu samtyktirnr niðurfeldar á pappír og var tað Poul Johannes Lindberg, tilsýnsmaður, ið skrivaði undir. Mett verður, at hara fyrstu ferð varð slept í Suðuroynni, uml. 1860
Øll árini síðan 1892 hevur verið skipað fyri klappjakt í Trongisvági. Siðbundna klappjaktin stórtrívist framvegis og varð eisini fyriskipað í fjør, tá heili 106 harur vórðu skotnar – tað næstmesta nakrantíð.
Tvøroyrar kommuna vil ynskja Klappjaktini í Trongisvági hjartaliga til lukku við 130 ára degnum.
