19-07-2024
TJALDIÐ Í MIÐBÝNUM TØKT AT NÝTA
Stóra tjaldið hjá Tvøroyrar kommunu, ið varð sett upp í miðbýnum, til Mentanarnáttina, verður standandi summarið yvir og møguliga nakað inn í komandi heyst.Tjaldið er stórt og rúmligt og hóskar sera væl til tiltøk av alskyns slag.Frítíðarfeløg, samkomur og privatpersónar eru vælkomin at seta seg í samband við Tvøroyrar kommunu, um áhugi er at nýta tjaldið til okkurt áhugavert. Nýtsla er ókeypis og einasta treytin er, at tjaldið verður latið kommununi aftur í sama standi sum tað var, tá tað var lánt.Um áhugi er at nýta tjaldið, ber til at senda teldupost til Tvøroyrar kommunu á tvoroyri@tvoroyri.fo . Upplýsið hvør hevur áhuga í at lána tjaldið, til hvat og ein kontaktpersón við telefonnummari, so setir Tvøroyrar kommuna seg í samband við viðkomandi.
