FORSÍÐA
Tú ert her: GREINAR <<
STOVNAR


23-03-2023

ALDURSFORSETIN FOSTRAÐ 4 LEIKARAR TIL FÓTBÓLTSLANDSLIÐINI

 

Í gjár skrivaðu vit um hvussu væl umboðað Tvøroyri var á borðtennislandsliðnum. Fótbóltslandsliðið hjá monnum, ið júst er úttikið, stendur ikki nógv aftanfyri. Eisini er umboð, fostrað í TB, á kvinnulandsliðnum.

Tríggir av leikarunum, ið eru úttiknir til mannslandsliðið, eru beinleiðis uppaldir í TB: Patrik Johannesen, Stefan Radosavljevic og Gilli Rólantsson Sørensen, ið nú aftur spælir við TB. Gilli er tann mest royndi á landsliðnum, við 60 skrásettum dystum. Patrik hevur leikt 20 landsdystir og Stefan 2, men Stefan hevur, eins og Patrik og Gilli, verið fast inventar á so at siga øllum U-landsliðnum. Stefan spælir annars í Írlandi við liðnum Sligo Rovers, meðan Patrik spælir við íslendsku Breiðablik.

Til stuttleikar kann eisini nevnast, at Tvøroyri eigur hálvan part í tveimum øðrum leikarum á landsliðnum. Bæði Rógvi Baldvinsson og Meinhard Egilsson hava pápar av Tvøroyri, sum í sínari tíð byrjaðu at spæla fótbólt í TB.

ÍKAST ÚR TB TIL KVINNULANDSLIÐIÐ EISINI

Eisini á kvinnusíðuni hevur TB umboð. Evnaríka Julia Naomi Mortensen, ið til dagliga spælir við AaB í Danmark, er úttikin til kvinnulandsliðið. Julia er skrásett fyri 20 A-landsdystir, men hevur eisini áður spælt við bæði U17 og U19 landsliðunum.

 

Tvøroyrar kommuna ynskir landsliðunum báðum, og leikarunum av Tvøroyri,bestu eydnu við komandi avbjóðingum.

 

 
 



, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo Persónupplýsingar Rita inn