Tað er sera ómakaleyst at skilja pappír og papp frá burturkastinum. Um tú hevur eitt ílat ella ávíst stað í køkinum at leggja papp og pappír, varnast tú skjótt, hvussu nógv kann fara í hvíta posan. Fyrr vóru krøvini til pappírendurvinning strangari, men í dag kunnu mestsum øll sløg av pappi og pappíri endurvinnast. Einasta kravið er, at tað er ikki illa dálkað av máling, feitti ella matleivdum.
