04-03-2024
VEITIR LIÐUGT GRAVAÐAR Í FROÐBA
Seinastu vikurnar hevur gravimaskina verið í gongd í Froðba. Trupulleikar hava leingi verið við yvirflatuvatninum, við Løksá í Froðba (sí kort, ið vísir økið, har grivið er), og gjørt varð tí av at grava veitirnar upp av nýggjum, í eini roynd at koma trupulleikanum við váta lendinum til lívs og leiða vatnið út á sjógv.Umleið 700-800 metrar eru grivnir og er tað lokala fyritøkan Sp/f Bárður Hentze, ið hevur staðið fyri arbeiðinum og tað var sjón fyri søgn beinanvegin, at gravingin hevði ynsktu ávirkanina á nærumhvørvið. Økið, ið nú er avvatnað, fevnir um uml. 160.000 m2.(Mynd: Kortal.fo)