UMSITINGIN
Tú ert her: UMSITINGIN <<
- STARVSLÝSINGAR
09-12-2024
Endurlýsing "Lívbjargara til svimjihylin á Tvøroyri"
Tvøroyrar kommuna søkir eftir einum lívbjargara til svimjihylin á Tvøroyri at byrja 1. januar 2025, ella skjótast gjørligt.
Arbeiðsuppgávur:
- at arbeiða sum lívbjargari, herundir taka lut í vaktarskipan
- at virka fyri, at trygdin verður yvirhildin í svimjihøllini
- at virka fyri, at reinførisreglur verða yvirhildnar
- at rudda høll, brúsudeild, v.m.
Aðrar uppgávur kunna vera:
- at samstarva um nýggj hugskot, brúkarum til frama
- at taka lut í svimjihallarteknikki.
- at taka lut í ymiskum røktararbeiði av svimjuhylinum
- at avgreiða atgongugjøld
Førleikar:
Hevur lívbjargararoynd, fyrstuhjálparskeið og góðar eginleikar at lívbjarga. (Lívbjargskeiðið kann takast í starvstíðini)
- hevur góð samstarvsevnir
- er blíður, fyrikomandi, nærlagdur, røkin og álítandi
- hevur hugsjónir og áhuga innan svimjing
- hevur góða heilsustøðu (heilsuváttan krevst)
Lívbjargskeiðið kann takast eftirfylgjandi og verður fyriskipa og goldið av kommununi. Fyrstu vikunar verður tú at starvast saman við einum av verandi lívbjargarum
Setanar- og lønarviðurskifti:
Arbeitt verður í einari skiftisskipan. -sum partur av toymi, 3 lívbjargarar og 1 vaskifólk, har lívbjargarar arbeiða í eina viku og hava frí í 2 viku. -Arbeitt er niðursetta tíð svarandi til 0,15.
Lønar- og setanarviðurskifti eru sambært sáttmála millum Kommunala Arbeiðsgevarafelagið og Starvsfelagið, lønarflokkur 2, svarandi til eina løn á beint yvir kr./mðr. 4.000,- umframt eftirløn, fyri arbeiði í eina viku og frí í 2 vikur, samsv. tíðinar svimjuhylurin hevur opið.
Tilvísing er til tekniska leiðaran hjá Tvøroyrar kommunu
Áhugaði eru vælkomin at ringja til umsitingina hjá Tvøroyrar kommuna fyri at hoyra nærri um starvið. -tlf. 611085. -ella tosa við ein av virkandi lívbjargarum.
Umsóknin saman við prógvum, heilsuváttan og møguligum viðmælum v.m., skulu vera okkum í hendi í seinasta lagi fríggjadagin 22. desember 2024 kl. 12:00. (Tvøroyrar kommuna útvegar barnaváttan áðrenn setanin kann fremjast endaliga(
Um svimjuhylin:
Svimjihylurin er vanl. opin hesar tíðir: (Broytingar kunna tó henda)
- Týsdag 16:00 - 19:00. (3.t)
- Tórsdag 16:00 - 19:00. (3.t)
- Fríggjadag 17:00 - 20:00. (3.t)
- Leygardag 13:00 - 17:00. (4.t)
- Sunnudag 08:30 - 10:30. (2.t)
Tvøroyrar Kommuna fevnir um Froðba, Tvøroyri, Trongisvág og Øravík, og tað búgva umleið 1775 fólk í kommununi. Tvøroyrar Kommuna hevur umleið 120 fólk í starvi. Í umsitingini arbeiða 11 fólk. Meira fæst at vita á heimasíðuni hjá Tvøroyrar kommunu www.tvk.fo
Tvøroyrar Kommuna
9. desember 2024
Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo