Framtíðar heilsumiðstøð í Suðuroynni

Nú málið um heilsumiðstøð í Suðuroynni hevur fingið størri almennan og fjølmiðlaligan áhuga, ynskir Tvøroyrar kommuna at lýsa orsøkina, endamálið og gongdina í málinum.

Tað er týdningarmikið, at málið verður sæð í sínum rætta samanhangi. Ætlanin um eina nýggja heilsumiðstøð er ikki sprottin úr einum ynski um eina ávísa staðseting, men úr einum fakligum tørvi á at framtíðartryggja kommunulæknatænastuna í Suðuroynni.

Málið um eina framtíðar heilsumiðstøð í Suðuroynni hevur sín uppruna í drúgvu avbjóðingunum við at manna kommunulæknastørvini við føstum læknum og tryggja borgarunum eina støðuga og samanhangandi læknatænastu. Ætlanin tekur m.a. støði í fundinum 30. desember 2024, har verandi og komandi kommunulæknar mæltu til eina nýggja, felags læknamiðstøð fyri alla Suðuroynna og vístu á, at tað ikki var nøktandi bert at betra um og útbyggja verandi læknamiðstøðir í Vági ella á Tvøroyri.

Við hesum sum grundarlagi mentu Tvøroyrar, Hvalbiar og Fámjins kommunur saman við BRIM Arkitektum eitt ítøkiligt uppskot til bygging av einari nýggjari heilsumiðstøð á Tvøroyri. Allar kommunurnar í Suðuroynni vórðu bodnar við í ætlanina. Hov, Porkeri, Vágur og Sumba svaraðu, at tær heldur ynsktu at halda fast við eina loysn, har verandi heilsumiðstøð í Vági verður útbygd.

Sostatt liggja nú tvær ymiskar loysnir á borðinum hjá landstýriskvinnuni, meðan yvirskipaða endamálið er: at framtíðartryggja kommunulæknatænastuna og heilsutænasturnar í Suðuroynni í samsvari við tørvslýsingina og ynskini hjá kommunulæknunum.

Heilsu- og orkumálaráðið hevur boðað frá, at landsstýriskvinnan metir tað vera skilabest, at ein tíðarhóskandi heilsumiðstøð verður í Suðuroynni til gagns fyri allar borgarar í oynni, og at avgerðin um staðsetingina verður tikin við heimild í § 3, stk. 2 í løgtingslóg nr. 66 frá 28. apríl 2025.

Ein longri greining niðanfyri lýsir tilgongdina, fakliga grundarlagið, lógarheimildirnar, kommunalu samtyktirnar og tær fyriliggjandi loysnirnar.

Tvøroyri millum kommunurnar við lægstu skuld

Samanberingin vísir, at Tvøroyrar kommuna hevur eina lutfalsliga góða skuldarstøðu.

Nettoskuldin var við árslok 2025 umleið 22.800 kr. fyri hvønn íbúgva. Tvøroyri hevur sostatt fjórðlægstu nettoskuldina fyri hvønn íbúgva í hesum kommunubólkinum.

Nettoskuldin hjá Tvøroyrar kommunu svaraði við árslok 2025 til 33 prosent av inntøkugrundarlagnum, sum verður nýtt til at áseta skuldarloftið. Eisini her hevur Tvøroyri fjórðlægsta skuldarlutfallið millum kommunurnar við fleiri enn 1.000 íbúgvum.

Munandi íløgur samstundis sum skuldin er lág

Skuldarstøðan hjá Tvøroyri er serliga áhugaverd, tá hon verður sædd saman við íløguvirkseminum.

Tvøroyrar kommuna framdi nettoíløgur fyri 20,2 mió. kr. í 2025. Við 1.697 íbúgvum svarar hetta til umleið 11.900 kr. í íløgum fyri hvønn íbúgva.

KUNNING UM VEGARBEIÐI Á TRAÐARVEGI

Tvøroyrar kommuna og Tvøroyrar havn hava 20. august 2026 fingið fráboðanir frá Livilig kor, sum upplýsir, at borgarar verða órógvaðir av larmi frá Silver Star, sum lá við bryggju á Tvøroyri 20. august 2026.

Eingin av teimum dokumenteraðu mátingunum hava tó víst eitt ljóðvirði omanfyri galdandi markvirði.

KUNNING UM VATNVEITINGINA VIÐ SÍLÁ

Ónsdagin 12. august 2026 verður partvís sólarmyrking at síggja úr Føroyum.

Sólarmyrkingin byrjar um kl. 17:56, er størst um kl. 18:54 og endar um kl. 19:50. Tá ið myrkingin er størst, verður umleið 91 prosent av sólini fjalt av mánanum.

Tvøroyrar kommuna vil í hesum sambandi minna borgarar á at ansa væl eftir eygunum, og hygg ongantíð beinleiðis at sólini uttan góðkendar sólarmyrkingarbrillur ella aðra verju, sum er ætlað til endamálið..

Tvøroyrar kommuna ynskir Froðbiar Sóknar Róðrarfelag hjartaliga tillukku við heiðrinum sum Ársins Róðrarfelag 2026, sum felagið fekk á Róðrarveitsluni hjá Róðrarsambandi Føroya leygarkvøldið 1. august.

Tað er at frøast um, at tað gongur so væl hjá ítróttinum og ungdóminum í kommununi. Heiðurin ber prógv um, at eitt miðvíst og væl skipað felagsarbeiði, borið av eldsálum og sterkum felagsskapi, gevur góð úrslit. Samstundis er heiðurin ein viðurkenning av tí stóra arbeiðinum, sum verður lagt í felagið av rógvarum, venjarum, leiðarum, sjálvbodnum og øllum teimum, sum á ymiskan hátt stuðla upp undir virksemið.

Søkt verður eftir námsfrøðingum ella námsfrøðihjálparum og hjálparfólkun í tíðaravmarkað starv, til vøggustovu, barnagarð og frítíðarslúla at byrja skjótast gjørligt ella eftir nærri avtalu.

Vil tú vera við til at menna og menta børn á Tvøroyri ert tú vælkomin við í eitt vælvirkandi toymi, ið er nýhugsandi og kreativt. Starvsfólkabólkurin er samansettur við námsfrøðingum námsfrøðihjálparum og hjálparfólkum, ið arbeiða væl saman. Dentur verður lagdur á at skapa ein tryggan, mennandi og innihaldsríkaðan gerandisdag, við virðing og umsorgan fyri einstaka barninum og við støði í barnsins áhuga, undran og forvitni.

Kristin Michelsen, borgarstjóri á Tvøroyri, fyllir sjeyti ár í dag 30 juli 2026.

Í meira enn 23 ár hevur hann røkt borgarstjórastarvið og hevur í hesum tíðarskeiði sett sín týðiliga dám á Tvøroyrar kommunu, Suðuroynna og føroyskan politikk sum heild.

Kunning um royk úr grótbrotinum undir Akurgerði

Fólk hava óivað lagt til merkis, at roykur hevur verið at sæð úr grótbrotinum undir Akurgerði í Froðba í gjár og aftur í morgun, har endurnýtsluplássið millum annað er.

Orsøkin til roykin er, at ilur er komin í eina gamla rúgvu av greinum, hoyggi og øðrum grønum, lívrunnum tilfari, sum er tyrvt í grótbrotinum. Tá ilur kemur í slíkt tilfar, kann tað hitna og gløða inni í rúgvuni, og um illa vil til, kann opin eldur taka seg upp. Hetta stavar frá náttúrligari niðurbróting av tilfarinum..

Tvøroyrar kommuna søkir eftir einum dugnaligum og arbeiðssomum starvsfólki til grøna toymið.

Grøna toymið hevur ábyrgd av at røkja, viðlíkahalda og menna grønu økini í kommununi. Arbeiðið er fjølbroytt og fer í stóran mun fram úti í býnum, har tú saman við starvsfeløgum verður við til at skapa rein, væl hildin og hugnalig øki fyri borgarar og vitjandi.

Námsfrøðiligur ráðgevi til Suðuroyar Barnaverndartænastu