UMSITINGIN
Tú ert her: UMSITINGIN <<
- GREINAR
18-08-2020
DAGFØRING AV FERÐSLUNI VIÐ ÍTRÓTTARHØLLINA
Dagførdar broytingar við ferðsluni á parkeringsøkinum sunnan fyri Ítróttarhøllina og vestan fyri skúlan í Trongisvági.
Galdandi frá 18. august, kl. 08.00.
Tvøroyrar kommuna lýsir eina tíðaravmarkaða ferðslubroyting fyri økið við Ítróttarhøllina, skúlan,og vøllin við Stórá, sum verður galdandi so leingið sum korona kanningarnar fara fram á parkeringsøkinum sunnan fyri Ítróttarhøllina.
Heitt verður á fólk um ikki at parkera bilar á parkeringsøkið sunnan fyri Ítróttarhøllina, sum verður skipa til bilrøðir og parkering til korona kanningarmiðstøðina.
Starvsfólkið í barnagarðinum og í skúlanum vera biðin um at "langtíðar" parkera vestast á parkerings-økinum vestan fyri skúlan. Og foreldur at børnum í barnagarðinum vera eisini biðin um at "stutttíðar" parkera á parkerings-økinum vestan fyri skúlan.
Foreldur, sum koyra síni børnini í skúla, vera biðin um at avseta børnini á økinum framvið skúlanum.
Heitt verður á bilførarar um at vísa størsta varsemi í ferðsluni nú skúlin byrjar aftur.
Tvøroyrar kommuna 18.08.2020
Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo