Áhugaverd framsýning verður um rithøvundan Eilif Mortansson í nýggju hølunum hjá skjalasavninum á Ísvirkinum. Talan er um framsýning, ið Landsbókasavnið hevur gjørt, og sum Tvøroyrar Kommuna hevur lánt til mentanarnáttina.
Eilif Mortansson er føddur á Tvøroyri 14. januar 1916, og var hann sonur Johan Mortensen, lærara úr Øravík og Kathrinu Mariu f. Nolsøe, á Tvøroyri.
Eilif Mortansson búði tað mesta av ævi síni í Danmark, og skrivaði hann verk síni á donskum, men fleiri av teimum eru týdd til nógv ymisk mál.
Hetta er samstundis fyrstu ferð, at hølini til skjalasavnið verða nýtt og í tí sambandinum fara Anita Vibergsdóttir, forkv. í mentanarnevndini hjá Tvøroyrar býráði, og Kári Jespersen, søgufrøðingur at greiða stutt frá arbeiðnum við skjalasavninum.
Framsýningin er opin frá kl. 16.00-20.00 á mentanarnáttini 24. juni.