KIRKJUGARÐAR
Tú ert her: KIRKJUGARÐAR << - VEGLEIÐINGAR
Tvørávegur 37
02-11-2020

Andlát

Avvarðandi skulu boða frá andláti til tann, ið førir kirkjubókina í sóknini, har tann deyði búði, og so skjótt til ber boða gravaranum á kirkjugarðinum frá. Gravarin hevur fartlf. 254169.

Deyðaváttanin frá lækna ella líkskoðarum skal fylgja við fráboðanini.

Í teimum førum, fólk doyggja á sjúkrahúsinum, er tað sjúkrahúsið, ið tekur sær av at boða myndugleikunum frá andlátinum. Sí ssh.fo .

Tey avvarðandi bíleggja sjálv kistu og útvega prest/talara, sangarar og berarar til bønarhald og jarðarferð. Eisini er tað uppgávan hjá teimum avvarðandi at seta seg í samband við gravaran í kirkjugarðinum, har líkið skal jarðast. Kommunan hevur ein líkbil, sum kann umbiðjast á tlf. 579926 ella á tlf. 611085.

Gravsteinar eru ábyrgd hjá teimum, sum standa fyri gravstaðnum. Áðrenn tú setur gravstein upp, skalt tú tosa við gravaran á staðnum.

Avvarðandi kunnu bíleggja sær pláss undir liðini á sínum kæru. Biðjast kann tó í mesta lagi um 3 pláss.

Tað kostar einki at verða jarðaður í kirkjugarðinum.
 
Suðuroyar Sjúkrahús hevur gjørt eina vegleiðing: 
Vegleiðing í samband við andlát (PDF, 140KB)
 



Kirkjugarðar, Tvørávegur 37