UMSITINGIN
Tú ert her: UMSITINGIN << - GREINAR
Tvørávegur 37
Postboks 80
800 Tvøroyri
Tlf. 611085
tvoroyri@tvoroyri.fo
14-06-2019

Tíðindaskriv - ársroknskapur 2018

Tvøroyrar býráð samtykti á býráðsfundi 12. juni 2019 roknskapin fyri 2018.

Í fíggjarætlanini fyri 2018 varð roknað við einum halli á 22.978 mió.

Ársroknskapurin vísir tó eitt avlop á 8.952 mió., t.e. 31.930 mió meira enn væntað.

 

Samlaði raksturin av kommununi kostaði 66,77 mió. í 2018 og er hetta 2,6 mió minni enn roknað varð við í fíggjarætlanini fyri 2018. Meirnýtsla er staðfest í § 2 Almanna- og heilsumál á tkr. 853 og § 4 Undurvísing tkr. 288

 

Í fíggjarætlanini var roknað við at gera íløgur fyri 27,859 mió í 2018, men roknskapurin vísir, at tað vóru gjørdar íløgur fyri 11,107 mió, sum kunnu sundurgreinast soleiðis:

 

t.kr.

§ 1

Kommunal fyrisiting

122

§ 3

Børn og ung

4.562

§ 4

Undirvísing

744

§ 5

Mentan og frítíð

7

§ 6

Teknisk mál

5.194

§ 7

Kommunal virki

478

11.107

 

Inntøkurnar hjá Tvøroyrar kommunu í 2018 vóru 12,541 mió hægri enn væntað. Roknað var við 74,290 mió í inntøkum, men roknskapurin vísir, at samlaðu inntøkurnar vóru 86,831 mió. Inntøkan av persónsskatti var 63,569 mió og av partafelagsskatti 4,522 mió og er hetta 11,523 mió meira enn roknað varð við í fíggjarætlanini fyri 2018.

 

Kommunan hevur í 2018 goldið 3,508 mió í avdráttum og var nettoskuldin við árslok komin niður á 0,30 álíkning. Viðmerkjast kann, at tá skuldin var hægst, var hon góðar 8 álíkningar.

 

Framgongdin í kommununi seinast árini hevur ført við sær, at býráðið fyri 2019 hevur lækkað skattaprosentið við 1,0%. Harumframt eru gjøldini á barnaansingar-økinum og frítíðarskúlanum soleiðis, at hjá foreldrum sum hava meira enn 2 børn í ansingarskipanini verða 3. og eftirfylgjandi systkin ansaði ókeypis.

Tvøroyri, hin 14.06.2019

__________________________________________________________________________________________ 
Kristin Michelsen
Borgarstjóri
 
Jónleyg J. Bech
Kommunustjóri
 
 
(Mynd: Leivur Nygaard) 
 
 



Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo