Vallistin til løgtingsvalið, hin 8. desember 2022, liggur frammi til alment eftirlit á kommunuskrivstovuni á Tvørávegi 37, frá í morgin, ónsdegnum 16. november, til og við ónsdagin 30. november.
Til ber at síggja listan í vanligu upplatingartíðini millum kl. 09:00 – 15:00, yrkadagar.
KÆRA UM VALIÐ
Kæra um at onkur ikki er komin á listan, ella at onkur, av órøttum, er tikin við, skal í seinasta lagi eina viku fyri valdagin verða send kommununi, ið eftirkannar kæruna og tekur endaliga avgerð í málinum.
Boðast skal eisini kommununi frá, um tú ikki hevur fingið valkort ella hevur fingið valkort, ið hevur villu ella manglar okkurt. (Valkortini eru ikki komin í skrivandi stund 15/11-22)