Ongin tunnusláttur á verjuskipinum í ár
Vit hava bíðað sum longst, í teirri vón at tað fór at bera til, men tíverri fekk verjuskipið Vædderen ikki lagt at Tvørakei í ár, til árliga tunnuslátturin.
Tá avtala verður gjørd við verjuskipið um at koma inn til føstulávint, er tað altíð við tí fyrivarni, at skipið kann verða kallað út til aðra uppgávu og soleiðis varð tíverri hesaferð. Manningin hevði annars glett seg til at vitja býin og at síggja børnini umborð, eins og nógv børn ivaleyst hava glett seg til henda dag.
Siðvenjan við tunnusláttri hjá sjóverjuni er, sum kunnugt, sera gomul. Her http://maritimevenner.com/fastelavn-i-tveraa-1960/ síggja vit myndir frá 1960, tá HDMS Thetis var á vitjan. Her http://maritimevenner.com/fastelavn-i-tveraa/ eru myndir frá 1963, tá Niels Ebbesen stóð fyri tunnusláttrinum.
Nú tað ikki bar til á føstulávint, verður kannað um tað fer at bera til at vitja, tá okkurt annað mentanartiltak er á Tvøroyri. Kunnað verður um hetta, verður tað aktuelt.
Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo